Yr Ardal Leol

Mae tref farchnad draddodiadol Yr Wyddgrug yn sylfaen perffaith ar gweithgareddau ac atyniadau yn yr ardal leol. Gellir cerdded, beicio mynydd ac ymgymryd â gweithgareddau awyr agored eraill yng nghefn gwlad hardd Gogledd Cymru o gwmpas.

Mae dau barc gwledig o fewn ychydig filltiroedd i`r Wyddgrug. Mae Parc Gwledig Moel Famau wedi ei enwi ar ôl mynydd Moel Famau, sydd 1,818 troedfedd uwchben y môr ac yn cynnig golygfeydd hynod o`r wlad o gwmpas. Mae`r parc yn ymgorffori mwy na 2,000 erw o Fryniau Clwyd ac yn cynnwys tomenni claddu Oes Efydd, meini hirion ac olion tair bryngaer o`r Oes Haearn; Moel Fenlli, Moel-y-Gaer a Moel Arthur.

Mae teithiau cerdded a natur i bob gallu ym Mharc Gwledig Loggerheads - 67 erw o barcdir bendigedig. Y nodwedd archaeolegol diwydiannol mwyaf hynod yn y Parc yw`r ‘Leete’ - cwrs dŵr a oedd unwaith yn gweithio olwynion dŵr nifer o fwyngloddiau yn y Dyffryn. Ynghyd â melin gorn weithredol mae Canolfan Wybodaeth i Ymwelwyr a chaffi hefyd.

Dair milltir i`r gorllewin o`r Wyddgrug mae Bryniau Clwyd, Ardal o Harddwch Naturiol Eithriadol (AHNE) sy`n cynnig golygfeydd hynod ar gyfer dringo, beicio a llawer mwy o chwaraeon a gweithgareddau cyffrous. Rhowch gynnig ar farchogaeth neu gerdded ar hyd amddiffynfeydd Clawdd Offa, neu Glawdd llai adnabyddus Wat.

Mae llawer o opsiynau teithio yn ei gwneud yn hawdd symud o amgylch Yr Wyddgrug. Mae gwasanaethau bws yn mynd dros ardal gyfan Gogledd Cymru ac mae`r rhwydwaith ffyrdd yn rhagorol. Ar y trên medrwch dreulio`r dydd ym Manceinion neu Lerpwl, neu`n ymlacio ar y traeth, gyda meysydd parcio yng ngorsafoedd trên Y Fflint, Caer a Hooton, ac mae Caer a`r Amwythig yn cynnig cyfleusterau Parcio a Reidio.

Mannau eraill i ymweld â hwy yw:

• Dinas Rufeinig unigryw a hardd Caer
• Traethau ar hyd arfordir Gogledd Cymru
• Llangollen a Dyffryn Dyfrdwy
• Wrecsam, y dref fwyaf yng Ngogledd Cymru
• Lerpwl, Manceinion a`r Amwythig
• Ffynnon y Santes Gwenffrewi yn Nhreffynnon
• Castell Y Fflint
• Tŷ Erddig