Teithiau Gwledig yn Sir y Fflint

Mae cefn gwlad Sir y Fflint yn dirwedd o amrywiaeth anhygoel. Mae'r cyhoeddiad a ddangosir isod yn argymell 25 o'r teithiau gorau yn y sir, ac mae mapiau clir, cyfeiriadau llwybr a ffotograffau lliw, ynghyd â chipolwg ar straeon lleol.

Cerddwch ar weundir agored hynod Ardal Harddwch Naturiol Eithriadol Bryniau Clwyd am ddringfeydd caled i weundiroedd ucheldir gwyllt gyda golygfeydd gwych. Cerddwch ar hyd glannau afonydd tawel, trwy ddyffrynnoedd coediog a ffermdir braf Llanasa, Ysgeifiog, Chwitffordd a Chaergwrle. Darganfyddwch arfordiroedd llawn bywyd gwyllt ar ymylon ein sir yn Nhalacre ac ar hyd Moryd Dyfrdwy. Neu, am rywbeth gwahanol, pam nad ewch am dro i ddarganfod straeon cyfoethog treftadaeth ddiwydiannol Halcyn, Maes-glas a Bwcle?

Medrwch weld neu lwytho i lawr unrhyw rai o'r 25 o Deithiau Gwledig yn Sir y Fflint trwy ddewis y daith mae gennych ddiddordeb ynddi.

Mae llyfrynnau ar gael yn rhad ac am ddim os ewch i unrhyw un o'r Canolfannau Croeso lleol a Llyfrgelloedd Sir y Fflint, ynghyd â Gwepra, Loggerheads a Maes-glas. Fel arall, anfonwch siec neu archeb bost am £1 (yn daladwy i 'Cyngor Sir y Fflint') at Wasanaethau Cefn gwlad Sir y Fflint, Parc Gwepra, Wepre Drive, Cei Connah, Sir y Fflint, CH5 4HL, ynghyd â'ch enw a'ch cyfeiriad.